惡劣事一：
今日已經o係第七日o係呢間公司番工，番工仍然係無咩特別事好做，不事生產，已經對自己一個大折磨...... 另一個折磨，就係當中坑同事過o黎同加拿大同事討論一件事o既時候，自己不知不覺「誤墮」佢o地兩個o既圈套，佢o地兩個你一言我一語令人完全無反駁機會！簡直令人有一個俾人逼埋死角唔放o既感覺......我只係講一個假設o者，唔使兩個男人一人一句釘住我唔放嘛!?  ...... 之前舊同事媽媽甲同自己講而家o既我就係長今，要經過好多o野先會有出路，究竟幾時先有閔大人出場救我呀？

惡劣事二：
同中坑同事講開一樣o野，中坑同事原先講o左一個好唔同意o既講法...... 講完一大輪，中坑同事突然將之前所講o既o野全部推翻晒，內容仲要同之前o既o野完全相反o既睇法！嘩大佬，你知唔知而己講緊咩，明明之前講緊係黑，你突然之間又話係白，你都變得幾快o架喎你！由之前極之唔同意，到之後極同意，你都變得幾快o架喎你！

臨放工前阿頭突然話開會，由個會裏面真正知多o左公司o既o野，但係另一面又覺得自己存在價值不大...... 呢個係咪天俾我o既一個考驗？stay or leave? 真係唔知點做......