唔知點解，自從上次你send o左個message同我講你入o左院之後，我又久不久會o諗番同你以前o既事。

近排o諗番好多o野，o諗番起七月o既時候，我o岩o岩出完trip落機番到香港，你同我講你入o左醫院，我當時o係機場睇到你個message個心即時嘛到離o左一離，好擔心你o既情況。番香港之後o既第二朝，我o係你臨出院之前o既幾個鐘去o左醫院探你。o諗番起我去醫院探你，你捉住我隻手腕三次，我又點解想縮開隻手。o諗番起你問我點解唔陪你出院，o諗番起你話你出院之後一個禮拜會打俾我，我應承o左過幾日打過俾你，我真係有搵你，但係之後o既一個月，你話過打俾我，我等你o左你一個月，你結果又無打俾我。一個月之後，你終於打俾我搵我食飯，但係我拖o左兩個禮拜都無覆你，兩個禮拜之後你打俾我，我又send o左兩個無聊o既message俾你，之後你就再無搵過我。我個ICQ其實好耐無用過，但係我真係好想問o下你好番晒未，所以禮拜日send o左個message俾你，你又無覆我......

唔通我o地真係無緣？

分o左手都就快3年，呢3年，開頭B小姐久不久會同我提o下關於你o既事，但係自從B小姐同你分別都無再o係以前o既公司做之後，佢都無再點提起過你。你年中都會偶爾有用ICQ同我傾o下計。你有問我有無拍拖，其實我都想問你同一個問題，不過最怕聽到你有女朋友，而我又未有新伴之前，所以無正面答過你o既問題，等你估估o下。你去日本旅行，有買手信俾我，我本來真係好開心o架，但係當你同我講你無睇過份禮物係咩o既時候，我又突然間變得好唔開心，覺得你好無誠意，連份禮物都幾乎唔想去拎，份禮物由收o左到而家，我一直都係塞o左o係間房o既一角......

未拍拖、拍緊拖同分手當時o既事其實仲記得好清楚，你同我影o既一張卡，近排都有拎出o黎睇過。呢幾個禮拜為o左你，我o諗o左好多o野，覺得好煩，我o地幾時有個了斷？我又唔敢打俾你問清楚...... 算啦，有呢封信講o左想心裏面o既o諗法，個心已經舒服o左好多...... 如果o係今年你生日之前我o地會出o黎見面，咁可能我o地真係有緣，如果唔係，我決定我o地就從此玩完..... 我到時真係會下定決心完完全全忘記你，你亦都唔好再搵我喇，好唔好？......